Бүгін Simply-ге 5 жыл толды! 🎉

Осы уақыт ішінде Simply миллиондаған пайдаланушының күнделікті өмірінің ажырамас бөлігіне айналды: төлемдер, аударымдар, кешбэк және үйреншікті қаржылық қызметтердің барлығы бір қолданбада қолжетімді.

2025 жылы Simply қолданбасын ай сайын 4 миллион клиент пайдаланды. Бұл өткен жылмен салыстырғанда шамамен 1 миллионға көп. Ал әрбір көрсеткіштің артында нақты адамдардың әдеттері мен оқиғалары тұр.

Simply арқылы сауда жасау үшін ең танымал күн — жұма. Ең жиі жасалатын шығын түрлері — азық-түлік, такси және фастфуд.

Ал сейсенбі — ай сайынғы төлемдер үшін ең танымал күн. Дәл осы күні клиенттер байланыс қызметтерін төлеп, цифрлық сервистерге жазылым рәсімдеп және ақша аударымдарын жиі жүзеге асырған.

Simply әлдеқашан Қазақстан шекарасынан асып түсті: ақша аударымдарының ең танымал бағыттарының қатарында Ирландия, АҚШ, Қытай және Ұлыбритания бар. Ал Simply арқылы жасалған сатып алулар әлемнің ең шалғай нүктелерінде — Аргентина мен Бразилиядан бастап Жаңа Зеландия мен Аустралияға дейін жүзеге асырылды.

Алайда ең бастысы — бұл тек сандар мен өнімдер ғана емес.

Бұл — Simply-ді клиенттер үшін ыңғайлырақ әрі тиімдірек етуге күн сайын үлес қосып жүрген команда, тың идеялар, батыл шешімдер және адамдардың еңбегі.

Осы жылдар ішінде Simply толыққанды цифрлық қаржылық сервиске айналды.

Осы 5 жыл бойы бізбен бірге болып, осы жолдың бір бөлігіне айналған әр адамға — әріптестерімізге, серіктестерімізге және, әрине, пайдаланушыларымызға алғысымызды білдіреміз ❤️

Алда Simply-мен бірге бұдан да көп жаңа мүмкіндіктер, жаңа бастамалар және маңызды жетістіктер күтіп тұр!